വിന്‍ഡീസ് പരമ്പരയ്ക്കില്‍ ചില ഇന്ത്യന്‍ താരങ്ങള്‍ക്ക് വിശ്രമം നല്‍കുമെന്ന് അറിയിച്ച് ഇന്ത്യന്‍ മുഖ്യ സെലക്ടര്‍ എംഎസ്‍കെ പ്രസാദ്. താരങ്ങളുടെ വര്‍ക്ക് ലോഡ് മാനേജ്മെന്റിന്റെ ഭാഗമായാവും ഈ തീരുമാനമെന്നും പ്രസാദ് അറിയിച്ചു. ഏഷഅയ കപ്പില്‍ വിരാട് കോഹ്‍ലിയ്ക്ക് വിശ്രമം നല്‍കിയതും ഇപ്രകാരത്തിലൊരു തീരുമാനമായിരുന്നു. ഓസ്ട്രേലിയന്‍ പര്യടനത്തിനു മുമ്പ് ഇന്ത്യയുടെ ഹോം സീരീസില്‍ താരങ്ങള്‍ക്ക് വിശ്രമം അനുവദിച്ച് താരങ്ങളെ ഓസ്ട്രേലിയയിലേക്ക് സജ്ജമാക്കുക എന്നതിനാണ് സെലക്ടര്‍മാര്‍ മുന്‍ഗണന നല്‍കുന്നതെന്നും പ്രസാദ് അറിയിച്ചു.
ഒക്ടോബറില്‍ വിന്‍ഡീസ് ഇന്ത്യയില്‍ രണ്ട് ടെസ്റ്റും അഞ്ച് ഏകദിനങ്ങളും മൂന്ന് ടി20യും കളിയ്ക്കും.
