ന്യൂസിലാണ്ടിലെ പാക്കിസ്ഥാനിലെ പരമ്പര വിജയം ഏറെ പ്രാധാന്യമുള്ളതായിരുന്നു. 1969നു ശേഷം പാക്കിസ്ഥാനെതിരെ എവേ പരമ്പര വിജയം നേടകുയായിരുന്നു ന്യൂസിലാണ്ട്. അബുദാബിയില്‍ രണ്ടാം ടെസ്റ്റില്‍ ഇന്നിംഗ്സ് തോല്‍വി വഴങ്ങിയ ശേഷമായിരുന്നു മൂന്നാം ടെസ്റ്റിലെ ന്യൂസിലാണ്ടിന്റെ 123 റണ്‍സ് ജയം.
ഈ വിജയത്തെ ഏറെ പ്രത്യേകതയുള്ളതും കാലങ്ങളോളം ഓര്‍മ്മയിലുണ്ടാകുന്നതായിരുക്കുമെന്നാണ് കെയിന്‍ വില്യംസണ്‍ പറഞ്ഞത്. പാക്കിസ്ഥാനെതിരെ അവരുടെ ഹോം ഗ്രൗണ്ടില്‍ വിജയിക്കുക എന്നത് ഏറെ പ്രത്യേകതയും പ്രാധാന്യമുള്ളതാണെന്നും വില്യംസണ്‍ പറഞ്ഞു. ആദ്യ ഇന്നിംഗ്സില്‍ ഭേദപ്പെട്ട സ്കോര്‍ നേടിയപ്പോള്‍ തന്നെ മത്സരത്തില്‍ സാധ്യതയുണ്ടെന്നാണ് കെയിന്‍ വില്യംസണ്‍ പറഞ്ഞത്.
നാലാം ദിവസം അവസാനിക്കുമ്പോള്‍ മത്സരം സമനിലയിലാകുമെന്നാണ് കരുതിയതെങ്കിലും നിര്‍ണ്ണായകമായത് ന്യൂസിലാണ്ടിന്റെ അഞ്ചാം ദിവസത്തെ പ്രകടനമായിരുന്നു. 9 ഓവറുകളില്‍ നിന്ന് 81 റണ്‍സ് നേടി ടീം ഡിക്ലറേഷന്‍ നടത്തിയപ്പോള്‍ ന്യൂസിലാണ്ട് വിജയ പ്രതീക്ഷ പുലര്‍ത്തി. ബൗളര്‍മാരും അവസരത്തിനൊത്തുയര്‍ന്നപ്പോള്‍ ജയം അനായാസമാകുകയായിരുന്നു.
