ഇംഗ്ലണ്ടിനെതിരായ മൂന്നാം ഏകദിനം വിജയിച്ച വെസ്റ്റിൻഡീസ് പരമ്പര സ്വന്തമാക്കി. 3 മത്സരങ്ങളുടെ പരമ്പര 2-1നാണ് വെസ്റ്റിൻഡീസ് വിജയിച്ചത്. 25 വർഷങ്ങൾക്ക് ശേഷം ആണ് സ്വന്തം നാട്ടിൽ വെച്ച് വെസ്റ്റിൻഡീസ് ഇംഗ്ലണ്ടിനെതിരെ ഒരു പരമ്പര വിജയിക്കുന്നത്. ഇന്ന് മഴ ശല്യപ്പെടുത്തിയ മത്സരത്തിൽ ആദ്യം ബാറ്റു ചെയ്ത ഇംഗ്ലണ്ട് 40 ഓവറിൽ 206-9 എന്ന സ്കോറാണ് ഉയർത്തിയത്‌. ഈ സ്കോർ ഡക്വർത് ലൂയിസ് നിയമ പ്രകാരം വെസ്റ്റിൻഡീസിന് 34 ഓവറിൽ 188 ആയിരുന്നു ചെയ്സ് ചെയ്യേണ്ടിയിരുന്നത്.
ഇംഗ്ലണ്ടിനായി 71 റൺസ് എടുത്ത ഡക്കറ്റും 45 റ്വ്ൺസ് എടുത്ത ലിവിംഗ്സ്റ്റോണും ആണ് ബാറ്റു കൊണ്ടു തിളങ്ങിയത്‌. വെസ്റ്റിൻഡീസിനായി മാത്യു ഫോഡെയും അൽസാരി ജോസഫും 3 വീക്കറ്റുകൾ വീതം വീഴ്ത്തി. മറുപടി ബാറ്റിംഗിന് ഇറങ്ങിയ വെസ്റ്റിൻഡീസ് 45 റൺസ് എടുത്ത അതനാസെയുടെയും 50 റൺസ് എടുത്ത കാർടി, 41 റൺസ് എടുത്ത ഷെപേർഡ് എന്നിവരുടെ മികവിൽ വെസ്റ്റിൻഡീസ് 31 ഓവറിൽ ലക്ഷ്യം കണ്ടു.
