തന്റെ ഹീറോ വസീം അക്രം, കരിയറില്‍ വളരെ സുപ്രധാനമായ പങ്ക് വഹിച്ചത് പാക് താരമെന്ന് ആന്‍ഡ്രൂ ഫ്ലിന്റോഫ്

തന്റെ ക്രിക്കറ്റ് കരിയറില്‍ സുപ്രധാനമായ പങ്ക് വഹിച്ചത് പാക് താരവും തന്റെ ഹീറോയുമായ വസീം അക്രം ആണെന്ന് വ്യക്തമാക്കി ഇംഗ്ലണ്ട് മുന്‍ ഓള്‍റൗണ്ടര്‍ ആന്‍ഡ്രൂ ഫ്ലിന്റോഫ്. ലങ്കാഷയറില്‍ ഒപ്പം കളിച്ചപ്പോളാണ് താന്‍ ‍വസീം അക്രത്തില്‍ നിന്ന് റിവേഴ്സ് സ്വിംഗ് സ്വായത്തമാക്കിയതെന്ന് ഫ്ലിന്റോഫ് സൂചിപ്പിച്ചു.

തന്റെ കരിയറിന്റെ ആദ്യ കാലത്ത് താന്‍ സുല്‍ത്താന്‍ ഓഫ് സ്വിംഗിനെയാണ് ഉറ്റുനോക്കിയിരുന്നതെന്ന് ഫ്ലിന്റോഫ് പറഞ്ഞു. തന്റെ 16ാം വയസ്സില്‍ ലങ്കാഷയറില്‍ വസീം അക്രമുമായി താന്‍ കളിച്ചിട്ടുണ്ട്. താന്‍ ഏറെ ആരാധിക്കുന്ന തന്റെ ഹീറോമാരില്‍ ഒരാളാണ് വസീം എന്ന് ഫ്ലിന്റോഫ് വ്യക്തമാക്കി.

വസീം തന്നെ ഒപ്പം കൂട്ടി തനിക്ക് റിവേഴ്സ് സ്വിംഗിന്റെ ബാലപാഠങ്ങള്‍ പഠിപ്പിച്ചു തന്നെവെന്നും ഫ്ലിന്റോഫ് പറഞ്ഞു. വസീമിന്റെ ബൗളിംഗില്‍ സ്ലിപ്പില്‍ ഫീല്‍ഡ് ചെയ്തിരുന്നതും തനിക്ക് കൂടുതല്‍ ഗുണം ചെയ്തുവെന്നും തന്റെ കരിയറിലെ സുപ്രധാന പങ്ക് വഹിച്ചത് വസീം ആണെന്നതാണ് സത്യമെന്നും ആന്‍ഡ്രൂ ഫ്ലിന്റോഫ് വെളിപ്പെടുത്തി.

Previous articleഐ ലീഗിന്റെ ഭാവി നാളെ അറിയാം
Next articleയുവ ഇന്ത്യൻ ടീം ക്യാപ്റ്റനും കേരള ബ്ലാസ്റ്റേഴ്സിൽ