ശ്രീലങ്കയുടെ വനിന്‍ഡു ഹസരംഗയെക്കുറിച്ച് ബംഗ്ലാദേശ് കരുതിയിരിക്കണമെന്ന് പറഞ്ഞ് ടീമിന്റെ വീഡിയോ അനലിസ്റ്റ് ശ്രീനിവാസ് ചന്ദ്രശേഖരന്‍. താരത്തിന് ഒറ്റയ്ക്ക് മത്സരം തിരിയ്ക്കുവാന്‍ ശേഷിയുണ്ടെന്നും ബംഗ്ലാദേശിന് വലിയ വെല്ലുവിളിയാകുക ഈ ലെഗ് സ്പിന്നര്‍ ആയിരിക്കുമെന്നും ശ്രീനിവാസ് പറഞ്ഞ്.
ഹസരംഗ, റഷീദ് ഖാന്‍, ആഡം സംപ എല്ലാവരും ഏകദേശം ഒരേ ശൈലിയില്‍ പന്തെറിയുന്ന താരങ്ങളാണെന്നും ഗൂഗിളി എറിയുന്ന ലെഗ്സ്പിന്നര്‍മാരില്‍ ഒരാളാണ് ഹസരംഗയെന്നും ശ്രീനിവാസ് പറഞ്ഞു. സണ്‍റൈസേഴ്സിനൊപ്പം പ്രവര്‍ത്തിച്ചപ്പോള്‍ റഷീദിന്റെ ബൗളിംഗ് അടുത്ത് നിരീക്ഷിക്കുവാന്‍ പറ്റിയ ആളാണ് ശ്രീനിവാസ്.
ധാക്കയില്‍ ടീമിനൊപ്പം ചേരുവാന്‍ ഇന്ത്യയിലുള്ള ശ്രീനിവാസിന് സാധിച്ചിട്ടില്ലെങ്കിലും തന്റെ ടീം ഹസരംഗ വെല്ലുവിളിയെ അതിവീജിവിക്കുവാന്‍ നെറ്റ്സില്‍ വേണ്ട തയ്യാറെടുപ്പുകള്‍ ആരംഭിച്ചിട്ടുണ്ടെന്ന് ശ്രീനിവാസ് പറഞ്ഞു.
