വിജയ് ഹസാരെ ട്രോഫി ഫൈനലില്‍ കടന്ന് സൗരാഷ്ട്ര. ഇന്ന് കര്‍ണ്ണാടകയ്ക്കെതിരെ 5 വിക്കറ്റ് വിജയം ആണ് ടീം നേടിയത്. 36.2 ഓവറിലാണ് വിജയം സൗരാഷ്ട്ര നേടിയത്.
സ്കോര്‍ ബോര്‍ഡിൽ പൂജ്യം റൺസുള്ളപ്പോള്‍ കര്‍ണ്ണാടക സൗരാഷ്ട്രയുടെ ഓപ്പണര്‍മാരെ പുറത്താക്കിയെങ്കിലും പിന്നീട് മത്സരത്തിൽ സൗരാഷ്ട്ര ബാറ്റ്സ്മാന്മാര്‍ തന്നെയായിരുന്നു മേൽക്കൈ നേടിയത്.
ജയ് ഗോഹിൽ 61 റൺസും സമര്‍ത്ഥ് വ്യാസ്(35), പ്രേരക് മങ്കഡ്(35), അര്‍പിത് വാസവഡ(25*) എന്നിവരാണ് ആതിഥേയര്‍ക്കായി റൺസ് കണ്ടെത്തിയത്. കര്‍ണ്ണാടകയ്ക്കായി കൃഷ്ണപ്പ ഗൗതം 2 വിക്കറ്റ് നേടി.
നേരത്തെ രവികുമാര്‍ സമര്‍ത്ഥ് നേടിയ 88 റൺസ് മാത്രമാണ് കര്‍ണ്ണാടക ബാറ്റിംഗ് നിരയുടെ ചെറുത്ത്നില്പായി പറയാവുന്നത്. ജയ്ദേവ് ഉനഡ്കട് സൗരാഷ്ട്രയ്ക്കായി 4 വിക്കറ്റ് നേടി.
