കോവിഡ് കാരണം യുഎസ്എ – അയര്‍ലണ്ട് ഏകദിന പരമ്പര ഉപേക്ഷിച്ചു. അയര്‍ലണ്ട് സപ്പോര്‍ട്ട് സ്റ്റാഫിലെ രണ്ട് അംഗങ്ങള്‍ക്ക് കൂടി കോവിഡ് വന്നതോടെയാണ് ഈ തീരുമാനം. ആദ്യ മത്സരം അമ്പയര്‍മാരിൽ ഒരാള്‍ക്ക് കോവിഡ് വന്നത് കാരണം ഉപേക്ഷിക്കുകയായിരുന്നു.
സ്റ്റാഫ് അംഗങ്ങള്‍ക്ക് പുറമെ താരങ്ങളുടെ പാര്‍ട്ണര്‍മാര്‍ക്കും കോവിഡ് സ്ഥിരീകരിച്ചുവെന്നാണ് റിപ്പോര്‍ട്ടുകള്‍. ഫ്ലോറിഡയിൽ നിന്ന് കിംഗ്സ്റ്റൺ, ജമൈക്കയിലേക്കാണ് അയര്‍ലണ്ട് ടീം ഇനി യാത്രയാകുന്നത്.
കോവിഡ് ബാധിച്ചവര്‍ ഫ്ലോറിഡയിൽ തന്നെ ഐസൊലേഷന്‍ കാലം കഴിയുന്നത് വരെ കഴിയുമെന്നാണ് ലഭിയ്ക്കുന്ന വിവരം.
