പാക്കിസ്ഥാന്റെ യൂത്ത് ടീമിനു ലോകകപ്പിലെ ആദ്യ ജയം. ആദ്യ മത്സരത്തില് അഫ്ഗാനിസ്ഥാനോട് പരാജയം ഏറ്റുവാങ്ങിയ ശേഷം ശക്തമായ തിരിച്ചുവരവാണ് പാക് യുവ നിര നടത്തിയത്. ഇന്ന് നടന്ന മത്സരത്തില് അയര്ലണ്ടിനെതിരെ 9 വിക്കറ്റ് ജയമാണ് പാക്കിസ്ഥാന് സ്വന്തമാക്കിയത്. ടോസ് നേടി ബൗളിംഗ് തിരഞ്ഞെടുത്ത പാക്കിസ്ഥാന് അയര്ലണ്ടിനെ 28.5 ഓവറില് 97 റണ്സിനു പുറത്താക്കി. ഷഹീന് അഫ്രീദിയുടെ ആറ് വിക്കറ്റ് നേട്ടമാണ് അയര്ലണ്ടിനെ ചുരുട്ടിക്കെട്ടിയത്. 8.5 ഓവറില് 15 റണ്സ് വഴങ്ങിയാണ് ഷഹീന് തന്റെ 6 വിക്കറ്റുകള് നേടിയത്. ക്യാപ്റ്റന് ഹസന് ഖാന് മൂന്നും അര്ഷാദ് ഇക്ബാല് ഒരു വിക്കറ്റും നേടി.
മറുപടി ബാറ്റിംഗിനിറങ്ങിയ പാക്കിസ്ഥാനു വേണ്ടി മുഹമ്മദ് സൈദ് അലം(43*), ഹസന് ഖാന്(27*) എന്നിവരാണ് ടീമിനെ വിജയത്തിലേക്ക് നയിച്ചത്. 8.5 ഓവറിലാണ് ലക്ഷ്യം പാക്കിസ്ഥാന് വിജയം നേടിയത്. തന്റെ ബൗളിംഗ് പ്രകടനത്തിനു ഷഹീന് അഫ്രീദിയാണ് കളിയിലെ താരമായി തിരഞ്ഞെടുക്കപ്പെട്ടത്.
കൂടുതൽ കായിക വാർത്തകൾക്ക് : www.facebook.com/FanportOfficial
