200ാം ഏകദിനത്തിനിറങ്ങി റോസ് ടെയിലര്‍, നേട്ടം സ്വന്തമാക്കുന്ന ഏഴാമത്തെ ബ്ലാക് ക്യാപ്സ് താരം

- Advertisement -

ന്യൂസിലാണ്ടിനായി 200 ഏകദിനങ്ങളെന്ന റെക്കോര്‍ഡ് നേട്ടം സ്വന്തമാക്കി റോസ് ടെയിലര്‍. എന്നാല്‍ 200ാം ഏകദിനത്തില്‍ ടീമിനു കാര്യമായി സംഭാവന ചെയ്യാന്‍ ടെയിലര്‍ക്ക് ആയില്ല. ഓപ്പണിംഗ് കൂട്ടുകെട്ടിനെ വീഴ്ത്തി ഷദബ് ഖാന്‍ ന്യൂസിലാണ്ടിനെ പ്രതിരോധത്തിലാക്കിയ നിമിഷത്തിലാണ് റോസ് ടെയിലര്‍ നായകന്‍ കെയിന്‍ വില്യംസണ് കൂട്ടായി ക്രീസില്‍ എത്തുന്നത്. എന്നാല്‍ റുമ്മാന്‍ റയീസ് താരത്തെ വിക്കറ്റിനു മുന്നില്‍ കുടുക്കമ്പോള്‍ ഒരു റണ്‍സായിരുന്നു ടെയിലര്‍ നേടിയത്.

200 ഏകദിനങ്ങള്‍ എന്ന നേട്ടം സ്വന്തമാക്കിയ ഏഴാമത്തെ ന്യൂസിലാണ്ട് താരമാണ് റോസ് ടെയിലര്‍. മറ്റു താരങ്ങള്‍
291: ഡാനിയേല്‍ വെട്ടോറി
279: സ്റ്റീഫന്‍ ഫ്ലെമിംഗ്
260: ബ്രണ്ടന്‍ മക്കല്ലം
250: ക്രിസ് ഹാരിസ്
223: നഥാന്‍ ആസ്ട്‍ലേ
214: ക്രിസ് കെയിന്‍സ്

സെഡണ്‍ പാര്‍ക്കില്‍ ഇതിനു മുമ്പ് 15 ഏകദിനങ്ങള്‍ കളിച്ചിട്ടുള്ള റോസിനു രണ്ട് ശതകങ്ങള്‍ നേടാനും ഈ ഗ്രൗണ്ടില്‍ സാധിച്ചിട്ടുണ്ട്. എന്നാല്‍ ഇന്നത്തെ മത്സരം അവിസ്മരണീയമാക്കുവാന്‍ സാധിക്കാതെയാണ് റോസ് മടങ്ങുന്നത്. 2006ല്‍ നേപിയറില്‍ വെസ്റ്റിന്‍ഡീസിനെതിരെ ഏകദിന അരങ്ങേറ്റം നടത്തുമ്പോള്‍ റോസ് 15 റണ്‍സ് നേടി പുറത്താകുകയായിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement