ആദിത്യ താക്കറേ ജൂനിയര്‍ ലോകകപ്പ് ടീമിലേക്ക്

രഞ്ജി ട്രോഫി ഫൈനലില്‍ വിദര്‍ഭയ്ക്കായി തന്റെ ഫസ്റ്റ് ക്ലാസ് അരങ്ങേറ്റം കുറിച്ച ആദിത്യ താക്കറേ ഐസിസി അണ്ടര്‍ 19 ലോകകപ്പിനുള്ള ഇന്ത്യന്‍ ടീമിനൊപ്പം ചേരുന്നു. ഇന്ത്യന്‍ ടീമിലെ ഇഷാന്‍ പോറെല്‍ പരിക്കേറ്റതിനെത്തുടര്‍ന്നാണ് തീരുമാനം. 2004ല്‍ വിദര്‍ഭയുടെ ഇപ്പോളത്തെ നായകന്‍ ഫൈസ് ഫസല്‍ ലോകകപ്പ് ടീമില്‍ ഇടം പിടിച്ചിരുന്നുവെങ്കിലും അന്ന് പരിശീലനത്തിനിടെ പരിക്കേറ്റ് താരം മടങ്ങുകയായിരുന്നു. വിദര്‍ഭയില്‍ നിന്ന് യൂത്ത് ലോകകപ്പ് ടീമില്‍ ഇടം പിടിക്കുന്ന രണ്ടാമത്തെ താരമാണ് അദിത്യ.

ഓസ്ട്രേലിയയ്ക്കതെരിയുള്ള മത്സരത്തിനിടെയാണ് പോറെലിനു പരിക്കേറ്റത്. ആദിത്യയുടെ സ്വിംഗ് ബൗളിംഗ് ന്യൂസിലാണ്ടില്‍ ഇന്ത്യയ്ക്ക് ഏറെ ഗുണകരമാകുമെന്നാണ് വിലയിരുത്തല്‍. യൂത്ത് ഏഷ്യ കപ്പില്‍ ടീമില്‍ ഇടം പിടിച്ച ആദിത്യ എന്നാല്‍ ലോകകപ്പിനുള്ള ടീമില്‍ നിന്ന് ആദ്യം ഒഴിവാക്കപ്പെടുകയായിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial