എംപിഎസ് ഇന്ത്യ ടിപിഎല്‍ 2018, ഉദ്ഘാടനം ഐജി ശ്രീ മനോജ് എബ്രഹാം നിര്‍വ്വഹിക്കും

- Advertisement -

ടെക്നോപാര്‍ക്ക് പ്രീമിയര്‍ ലീഗ് 2018 ന്റെ ഉദ്ഘാടനം ഫെബ്രുവരി 1നു വൈകുന്നേരം 5.30 നു ടെക്നോപാര്‍ക്ക് ക്രിക്കറ്റ് ഗ്രൗണ്ടില്‍ വെച്ച് കേരള പോലീസ് ഐജി ശ്രീ മനോജ് എബ്രഹാം നിര്‍വ്വഹിക്കും. മത്സരങ്ങള്‍ ഫെബ്രുവരി 3 മുതല്‍ ആരംഭിക്കും. ആദ്യ ഘട്ട മത്സരങ്ങളില്‍ 46 ടീമുകളാണ് പങ്കെടുക്കുന്നത്.
15 ഗ്രൂപ്പുകളിലായി ഈ ടീമുകളെ തിരിച്ചിട്ടുണ്ട്. പീക്കോക്ക് ഗ്രൂപ്പ് ഒഴികെ എല്ലാ ഗ്രൂപ്പിലും മൂന്ന് ടീമുകളാണ് ഉള്ളത്. ഓരോ ഗ്രൂപ്പ് ജേതാക്കളും നോക്ഔട്ട് സ്റ്റേജിലേക്ക് കടക്കും. നാല് ടീമുകള്‍ ഉള്ള പീക്കോക്ക് ഗ്രൂപ്പില്‍ നിന്ന് വിജയികളും രണ്ടാം സ്ഥാനക്കാരും അടുത്ത റൗണ്ടിലേക്ക് കടക്കും.

ആദ്യ ഘട്ടത്തില്‍ നിന്ന് 8 ടീമുകള്‍ രണ്ടാം ഘട്ടത്തിലേക്ക് കടക്കും. അവിടെ സീഡ് ചെയ്യപ്പെട്ട 40 ടീമുകള്‍ക്കൊപ്പം ഈ ടീമുകള്‍ രണ്ടാം ഘട്ട മത്സരങ്ങളില്‍ കളിക്കും.

ടൂര്‍ണ്ണമെന്റിന്റെ ആദ്യ മത്സരത്തില്‍ ഫിനസ്ട്ര സ്ട്രൈക്കേഴ്സ് നിയോലോജിക്സ് സൂപ്പര്‍ സ്ട്രൈക്കേഴ്സിനെ നേരിടും. ഫെബ്രുവരി മൂന്ന് ശനിയാഴ്ച രാവിലെ എട്ട് മണിക്കാണ് മത്സരം നടക്കുക.

ആദ്യ ഘട്ട ഫിക്സച്ചറിനായി ലിങ്ക് സന്ദര്‍ശിക്കുക: http://murugancricketclub.com/wp-content/uploads/MPS-INDIA-TPL-QF-1-Fixtures-1.pdf

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement