എട്ട് റണ്‍സ് ജയം സ്വന്തമാക്കി എക്സ്പീറിയണ്‍ ഡെവിള്‍സ്, പൊരുതി വീണ് പിറ്റ്സ് ബ്ലൂ

- Advertisement -

അവസാന ഓവറില്‍ 25 റണ്‍സ് വിജയത്തിനായി നേടേണ്ടിയിരുന്ന പിറ്റ്സ് ബ്ലൂ 16 റണ്‍സ് ഓവറില്‍ നിന്ന് നേടിയെങ്കിലും മത്സരം 8 റണ്‍സിന് വിജയിച്ച് ഗ്രൂപ്പ് ജേതാക്കളായി എക്സ്പീറിയണ്‍ ഡെവിള്‍സ്. ഇന്ന് ടിപിഎലില്‍ ആദ്യം ബാറ്റ് ചെയ്ത ഡെവിള്‍സ് 16 പന്തില്‍ 32 റണ്‍സ് നേടിയ പ്രവീണ്‍ , 6 പന്തില്‍ 18 റണ്‍സ് നേടിയ മെഹ്താബ്, അജീഷ്(13), വിനീത്(13) എന്നിവരുടെ പ്രകടന മികവിലാണ് 5 വിക്കറ്റ് നഷ്ടത്തില്‍ 8 ഓവറില്‍ നിന്ന് 90 റണ്‍സ് നേടിയത്.

മറുപടി ബാറ്റിംഗിനിറങ്ങിയ പിറ്റ്സ് ബ്ലൂവിന് 8 ഓവറില്‍ നാല് വിക്കറ്റ് നഷ്ടത്തില്‍ 82 റണ്‍സ് മാത്രമേ നേടാനായുള്ളു. 21 പന്തില്‍ 31 റണ്‍സ് നേടിയ അര്‍ജ്ജുന്‍, 6 പന്തില്‍ പുറത്താകാതെ 13 റണ്‍സ് നേടിയ ജിതേഷ് എന്നിവര്‍ക്ക് പുറമെ അര്‍ജ്ജുന്‍ ജഗദീഷ്(14), ഷിനോജ്(10) എന്നിവരും പൊരുതി നോക്കിയെങ്കിലും പിറ്റ്സ് ബ്ലൂവിന് കാലിടറി.

Advertisement