ടിപിഎല്‍ 2018 ഫെബ്രുവരി 3നു ആരംഭിക്കും

Sports Correspondent

Download the Fanport app now!
Appstore Badge
Google Play Badge 1

ടെക്നോപാര്‍ക്ക് കമ്പനികള്‍ പങ്കെടുക്കുന്ന ടെക്നോപാര്‍ക്ക് പ്രീമിയര്‍ ലീഗിന്റെ 2018ലെ പതിപ്പ് ഫെബ്രുവരിയില്‍ ആരംഭിക്കും. ഫെബ്രുവരി 1നു ഉദ്ഘാടനം ചെയ്യുന്ന ടൂര്‍ണ്ണമെന്റിന്റെ ആദ്യ മത്സരം ഫെബ്രുവരി 3നു ടെക്നോപാര്‍ക്ക് മൈതാനത്ത് നടക്കും. കഴിഞ്ഞ വര്‍ഷത്തെ പോലെ മുരുഗന്‍ ക്രിക്കറ്റ് ക്ലബ്ബും ടെക്നോപാര്‍ക്കും സംയുക്തമായി സംഘടിപ്പിക്കുന്ന ടൂര്‍ണ്ണമെന്റിന്റെ മുഖ്യ സ്പോണ്‍സര്‍മാര്‍ എംപിഎസ് ഇന്ത്യ ആണ്.

മൂന്ന് ഘട്ടങ്ങളിലായാണ് മത്സരങ്ങള്‍ നടക്കുക. ഫേസ് 1, ഫേസ് 2 യോഗ്യത റൗണ്ടുകളും ചാമ്പ്യന്‍ഷിപ്പ് റൗണ്ടുമാണ് ടൂര്‍ണ്ണമെന്റില്‍ ഉണ്ടാവുക. വിവിധ കമ്പനികളില്‍ നിന്നായി 125 ടീമുകളാണ് ടൂര്‍ണ്ണമെന്റില്‍ പങ്കെടുക്കുന്നതിനായി രജിസ്റ്റര്‍ ചെയ്തിരിക്കുന്നത്.

ആദ്യ ഘട്ടത്തില്‍ 45 ടീമുകളാണ് മാറ്റുരയ്ക്കുന്നത്. ഇവയില്‍ നിന്ന് 8 ടീമുകള്‍ രണ്ടാം റൗണ്ടില്‍ നേരത്തെ സ്ഥാനം പിടിച്ചിരിക്കുന്ന 40 ടീമുകള്‍ക്കൊപ്പം ചേരും. ചാമ്പ്യന്‍ഷിപ്പ് റൗണ്ടിലും 40 ടീമുകള്‍ക്കാണ് ഡയറക്ട് എന്റട്രി നല്‍കിയിട്ടുള്ളത്. രണ്ടാം ഘട്ടത്തില്‍ നിന്ന് യോഗ്യത നേടിയ 8 ടീമുകളും ഈ നാല്പത് ടീമുകളും ചേര്‍ന്നാവും ചാമ്പ്യന്‍ഷിപ്പ് റൗണ്ടില്‍ പങ്കെടുക്കകു.

ഓരോ ഘട്ടത്തിലെയും ഫൈനല്‍ മത്സരങ്ങള്‍ ഒഴികെ എല്ലാ മത്സരങ്ങളും 8 ഓവറുകളായിരിക്കും. ഓരോ ഘട്ടത്തിലും ലീഗ് കം നോക്ഔട്ട് രൂപത്തിലാവും മത്സരങ്ങള്‍ സംഘടിപ്പിക്കുക.

കൂടുതൽ കായിക വാർത്തകൾക്ക് : www.facebook.com/FanportOfficial