ടെക്നോപാര്‍ക്ക് പ്രീമിയര്‍ ലീഗില്‍ തങ്ങളുടെ രണ്ടാം മത്സരത്തില്‍ ഫയ സ്ട്രൈക്കേഴ്സിനു തോല്‍വി. ഐസിഫോസ്സിനോടാണ് 22 റണ്‍സിന്റെ തോല്‍വി ഫയ വഴങ്ങിയത്. ഇന്ന് ടെക്നോപാര്‍ക്ക് ക്രിക്കറ്റ് ഗ്രൗണ്ടില്‍ നടന്ന മത്സരത്തില്‍ ആദ്യം ബാറ്റ് ചെയ്ത ഐസിഫോസ്സ് 8 ഓവറില്‍ 57 റണ്‍സ് നേടുകയായിരുന്നു. 17 പന്തില്‍ നിന്ന് 4 സിക്സുകളുടെ സഹായത്തോടെ 32 റണ്‍സ് നേടി പ്രദീപ് ഫ്രെഡ്ഡിയും 17 റണ്‍സുമായി രജീത്തുമാണ് ഐസിഫോസ്സിനായി തിളങ്ങിയത്. ഫയയ്ക്കായി മൂന്ന് വിക്കറ്റുമായി മുരളി കൃഷ്ണനും 2 വിക്കറ്റുമായി ലൈജു തോമസും വിക്കറ്റ് പട്ടികയില്‍ ഇടം പിടിച്ചു.
മറുപടി ബാറ്റിംഗിനിറങ്ങിയ ഫയ 35 റണ്‍സിനു ഓള്‍ഔട്ട് ആവുകയായിരുന്നു. ഐസിഫോസ്സിനായി മനു നാലും പ്രദീപ് ഫ്രെഡ്ഡി മൂന്ന് വിക്കറ്റും വീഴ്ത്തി.
കൂടുതൽ കായിക വാർത്തകൾക്ക് : www.facebook.com/FanportOfficial
