ക്വസ്റ്റ് ഗ്ലോബൽ ടെക്നോപാര്‍ക്ക് പ്രീമിയര്‍ ലീഗിൽ 76 റൺസിന്റെ പടുകൂറ്റന്‍ വിജയവുമായി പ്രസ് ഗേനി ഇലവന്‍. ഇന്ന് ടൂര്‍ണ്ണമെന്റിന്റെ ഒന്നാം റൗണ്ട് മത്സരത്തിൽ യുണൈറ്റഡ് ലാബ്സിനെതിരെ ആദ്യം ബാറ്റ് ചെയ്ത പ്രസ് ഗേനി 107 റൺസാണ് 4 വിക്കറ്റ് നഷ്ടത്തിൽ നിന്ന് 8 ഓവറിൽ നേടിയത്.
അലക്സ് കെ കനകരാജ് 17 പന്തിൽ 39 റൺസ് നേടി ടീമിന്റെ ടോപ് സ്കോറര്‍ ആയപ്പോള്‍ ദീപു ജയകുമാര്‍ 13 പന്തിൽ 25 റൺസുമായി പുറത്താകാതെ നിന്നു. 5 പന്തിൽ 20 റൺസ് നേടി ടോണി പോളും പുറത്താകാതെ നിന്നപ്പോള്‍ 107 റൺസെന്ന മികച്ച സ്കോറിലേക്ക് പ്രസ് ഗേനി ഇലവന്‍ എത്തി.
8 ഓവറിൽ 8 വിക്കറ്റ് നഷ്ടത്തിൽ യുണൈറ്റഡ് ലാബ്സ് വെറും 31 റൺസ് മാത്രം നേടിയപ്പോള്‍ 76 റണസിന്റെ മികച്ച വിജയം പ്രസ് ഗേനി സ്വന്തമാക്കി. ബൗളിംഗിൽ ടോണി പോള്‍, അലക്സ് കനകരാജ്, ശ്രീറാം, ശ്രീജിത്ത് കൃഷ്ണന്‍കുട്ടി എന്നിവര്‍ പ്രസ് ഗേനിയ്ക്കായി രണ്ട് വീതം വിക്കറ്റ് നേടി.
