ടെക്നോപാര്‍ക്ക് പ്രീമിയര്‍ ലീഗില്‍ ആദ്യ റൗണ്ടില്‍ മികച്ച വിജയവുമായി എത്തിയ സിഫി തണ്ടറിന് രണ്ടാം ഘട്ടത്തില്‍ രണ്ടാം തോല്‍വി. ഇന്ന് നടന്ന മത്സരത്തില്‍ നിസ്സാന് ബ്രേവ്ഹാര്‍ട്സ് ടീമിനെ 5 വിക്കറ്റിന് പരാജയപ്പെടുത്തുകയായിരുന്നു. ഇന്ന് ആദ്യം ബാറ്റ് ചെയ്ത സിഫി 68/8 എന്ന സ്കോര്‍ നേടിയപ്പോള്‍ നിസ്സാന് 6.1 ഓവറില്‍ 5 വിക്കറ്റുകളുടെ നഷ്ടത്തില്‍ 70 റണ്‍സ് നേടിയാണ് വിജയം കുറിച്ചത്.
നിസ്സാന് വേണ്ടി മന്‍സൂര്‍ 10 പന്തില്‍ 23 റണ്‍സ് നേടി പുറത്താകാതെ ജയം ഉറപ്പിക്കുകയായിരുന്നു. പുരുഷോത്തം 14 റണ്‍സിന്റെ നിര്‍ണ്ണായക സംഭാവന നല്‍കി. സിഫിയ്ക്കായി അബു സാലി രണ്ട് വിക്കറ്റ് നേടി.
നേരത്തെ ആദ്യം ബാറ്റ് ചെയ്ത സിഫി നിരയില്‍ 31 പന്തില്‍ 45 റണ്‍സ് നേടിയ അനന്തു മാത്രമാണ് പൊരുതി നിന്നത്. അമൃത് ജാ എറിഞ്ഞ ആദ്യ ഓവറില്‍ സ്കോര്‍ ബോര്‍ഡില്‍ ആദ്യ റണ്‍ പിറക്കുന്നതിന് മുമ്പ് മൂന്ന് വിക്കറ്റുകള്‍ സിഫിയ്ക്ക് നഷ്ടമായി. അടുത്ത ഓവറില്‍ അബു സാലിയെയും നഷ്ടമായപ്പോള്‍ ടീം 0/4 എന്ന പരിതാപകരമായ നിലയില്‍ ആയിരുന്നു.
പിന്നീട് 5 സിക്സ് അടക്കം നേടിയ അനന്തു പുറത്താകാതെ നിന്നാണ് സിഫിയെ 68 റണ്‍സിലേക്ക് എത്തിച്ചത്. അമൃത് ആദ്യ ഓവറിലെ മൂന്ന് വിക്കറ്റ് ഉള്‍പ്പെടെ നാല് വിക്കറ്റാണ് മത്സരത്തില്‍ നേടിയത്.
