വിന്‍ഡീസിനെതിരെ ആദ്യം ബാറ്റ് ചെയ്ത ബംഗ്ലാദേശിനു 255 റണ്‍സ്. ഷാക്കിബ് അല്‍ ഹസനും തമീം ഇക്ബാലും മുഷ്ഫിക്കുര്‍ റഹിമും അര്‍ദ്ധ ശതകങ്ങള്‍ നേടിയപ്പോള്‍ 50 ഓവറില്‍ നിന്ന് 7 വിക്കറ്റുകളുടെ നഷ്ടത്തിലാണ് ബംഗ്ലാദേശ് ഈ സ്കോര്‍ നേടിയത്. മഹമ്മദുള്ളയും(30) നിര്‍ണ്ണായക പ്രകടനങ്ങള്‍ നടത്തി. ബംഗ്ലാദേശിനു വേണ്ടി മുഷ്ഫിക്കുര്‍ റഹിം 62 റണ്‍സ് നേടി പുറത്തായപ്പോള്‍ ആയപ്പോള്‍ തമീം ഇക്ബാല്‍ 50 റണ്‍സ് നേടി പുറത്തായി. ഷാക്കിബ് അല്‍ ഹസന്‍ 65 റണ്‍സ് നേടി ടീമിന്റെ ടോപ് സ്കോറര്‍ ആയി.
വിന്‍ഡീസിനു വേണ്ടി ഒഷെയ്‍ന്‍ തോമസ് മൂന്നും ദേവേന്ദ്ര ബിഷൂ, റോവ്മന്‍ പവല്‍, കെമര്‍ റോച്ച്, കീമോ പോള്‍ എന്നിവര്‍ ഓരോ വിക്കറ്റും നേടി.
