കൊറോണ വൈറസ് ബാധയെ തുടർന്ന് ജൂൺ 10 മുതൽ നടക്കേണ്ട തമിഴ്നാട് പ്രീമിയർ ലീഗ് മാറ്റിവെച്ചു. തമിഴ്നാട് പ്രീമിയർ ലീഗിന്റെ അഞ്ചാം എഡിഷൻ ആണ് മാറ്റിവെച്ചത്. എന്നാൽ മാറ്റിവെച്ച തമിഴ്നാട് പ്രീമിയർ ലീഗ് എന്ന് നടത്തുമെന്ന് ഇതുവരെ തമിഴ്നാട് ക്രിക്കറ്റ് ബോർഡ് പ്രഖ്യാപിച്ചിട്ടില്ല.
കേന്ദ്ര സർക്കാർ പ്രഖ്യാപിച്ച ലോക്ക് ഡൗൺ തീരുന്നതിന് അനുസരിച്ച് പുതിയ തിയ്യതി തീരുമാനിക്കുമെന്നാണ് തമിഴ്നാട് ക്രിക്കറ്റ് അസ്സോസിയേഷൻ അറിയിച്ചത്. 8 ടീമുകൾ പങ്കെടുക്കുന്ന തമിഴ്നാട് പ്രീമിയർ ലീഗ് ഫൈനൽ ജൂലൈ 12നാണ് നടക്കേണ്ടിയിരുന്നത്.
തമിഴ്നാട് പ്രീമിയർ ലീഗ് നടത്താൻ സെപ്റ്റംബർ 15 തമിഴ്നാട് ക്രിക്കറ്റ് ബോർഡിന് സമയമുണ്ട്. അതിന് മുൻപ് കാണികളെ ഉൾപെടുത്തിയോ അല്ലെങ്കിൽ അടച്ചിട്ട സ്റ്റേഡിയത്തിലോ നടത്താനാണ് തമിഴ്നാട് ക്രിക്കറ്റ് അസോസിയേഷൻ ഉദ്ദേശിക്കുന്നത്.
