പരിക്ക്, വരുണ് ചക്രവര്ത്തി ടി20 ടീമില് നിന്ന് പുറത്ത്, പകരം നടരാജന്
ഐപിഎലിലെ മിന്നും പ്രകടനങ്ങളുടെ ബലത്തില് ഓസ്ട്രേലിയയ്ക്കെതിരെയുള്ള ടി20 പരമ്പരയില് ഇടം പിടിക്കുവാന് വരുണ് ചക്രവര്ത്തിയ്ക്ക് സാധിച്ചുവെങ്കിലും പരിക്ക് താരത്തിന് തിരിച്ചടിയായി മാറുകയായിരുന്നു. തോളിനേറ്റ പരിക്കിനെ ത്തുടര്ന്ന് താരത്തിന്റെ ടീമിലെ സ്ഥാനം നഷ്ടപ്പെടുകയായിരുന്നു. പകരം ഐപിഎലിലെ മറ്റൊരു മിന്നും പ്രകടനക്കാരനായ നടരാജനാണ് ടീമില് ഇടം ലഭിച്ചിരിക്കുന്നത്.
നേരത്തെ നടരാജനെ നെറ്റ് ബൗളര് ആയി ഓസ്ട്രേലിയയിലേക്ക് ബിസിസിഐ പ്രഖ്യാപിച്ചിരുന്നു.