മാറ്റ് റെന്‍ഷായ്ക്ക് പകരം മാര്‍ക്കസ് സ്റ്റോയിനിസിനെ ടീമില്‍ ഉള്‍പ്പെടുത്തി ഓസ്ട്രേലിയ. ശ്രീലങ്കയ്ക്കെതിരെയുള്ള രണ്ടാം ടെസ്റ്റിലേക്കുള്ള സ്ക്വാഡിലേക്കാണ് താരത്തെ ചേര്‍ത്തിരിക്കുന്നത്. ബ്രിസ്ബെയിന്‍ ഹീറ്റിനു വേണ്ടി കളിക്കാനുള്ള അവസരം ന്ല‍കുന്നതിനു വേണ്ടിയാണ് റെന്‍ഷായെ ടീമില്‍ നിന്ന് റിലീസ് ചെയ്യുവാന്‍ ക്രിക്കറ്റ് ഓസ്ട്രേലിയ തീരുമാനിച്ചിരിക്കുന്നത്.
രണ്ടാം ടെസ്റ്റിലും ഓപ്പണിംഗില്‍ മാറ്റം വരുത്തുവാന്‍ സാധ്യതയില്ലാത്തതിനാലാണ് റെന്‍ഷായെ ടീമില്‍ നിന്ന് വിടുതല്‍ നല്‍കുന്നത്. മാര്‍ക്കസ് ഹാരിസും ജ ബേണ്‍സും തന്നെയാവും രണ്ടാം ടെസ്റ്റിലും ഓസീസ് ഓപ്പണര്‍മാര്‍.
