ആഷസ് പരമ്പരയിൽ മികച്ച ഫോമിൽ കളിച്ചതിന് ശേഷം ആദ്യ മത്സരത്തിന് ഇറങ്ങിയ സ്റ്റീവ് സ്മിത്ത് പൂജ്യത്തിന് പുറത്ത്. ഓസ്ട്രേലിയൻ ഫസ്റ്റ് ക്ലാസ് ക്രിക്കറ്റിലാണ് നേരിട്ട തന്റെ അഞ്ചാമത്തെ പന്തിൽ പൂജ്യത്തിന് സ്റ്റീവ് സ്മിത്ത് പുറത്തായത്. ക്വീൻസ് ലാൻഡ് ബൗളർ കാമറോൺ ഗന്നോൻ ആണ് സ്റ്റീവ് സ്മിത്തിനെ റൺസ് ഒന്നും എടുക്കാതെ ഔട്ട് ആക്കിയത്. സ്ലിപ്പിൽ ജോ ബൺസിന് ക്യാച്ച് നൽകിയത് സ്മിത്ത് പുറത്തായത്. ഓസ്ട്രേലിയൻ ഫാസ്റ്റ് ക്ലാസ് ക്രിക്കറ്റിൽ ന്യൂ സൗത്ത് വെയിൽസിന്റെ താരമാണ് സ്റ്റീവ് സ്മിത്ത്.
രണ്ട് വർഷത്തിന് ശേഷമാണ് സ്റ്റീവ് സ്മിത്ത് ഓസ്ട്രേലിയൻ ഫസ്റ്റ് ക്ലാസ് മത്സരത്തിൽ കളിക്കുന്നത്. ആഷസിൽ മികച്ച ഫോമിൽ കളിച്ച സ്മിത്ത് നാല് ടെസ്റ്റിൽ നിന്ന് 774 റൺസ് നേടിയിരുന്നു. പരമ്പരയിൽ രണ്ട് സെഞ്ചുറിയും ഒരു ഡബിൾ സെഞ്ചുറിയും സ്മിത്ത് നേടിയിരുന്നു. ആഷസിലെ മാൻ ഓഫ് ദി മാച്ച് പുരസ്കാരവും സ്മിത്തിന് തന്നെയായിരുന്നു.
