Local Sports News in Malayalam

ആഷസിന് ശ്രദ്ധ കേന്ദ്രീകരിക്കുവാന്‍ ടി20 ലോകകപ്പിൽ നിന്ന് വിട്ട് നില്‍ക്കുവാനും തയ്യാര്‍ – സ്റ്റീവ് സ്മിത്ത്

ടി20 ലോകകപ്പ് ഒഴിവാക്കി തന്റെ പൂര്‍ണ്ണ ഫിറ്റ്നെസ്സ് ആഷസിനായി കരുതി വയ്ക്കുവാനും താന്‍ തയ്യാറാണെന്ന് പറഞ്ഞ് സ്റ്റീവ് സ്മിത്ത്. തനിക്ക് രണ്ട് ഇവന്റുകളിലും പങ്കെടുക്കുവാനാകുമെന്നാണ് തന്റെ വിശ്വാസമെങ്കിലും കൂടുതൽ താന്‍ ഉറ്റുനോക്കുന്നത് ആഷസിനെയാണെന്ന സൂചനയാണ് താരത്തിന്റെ ഈ വാക്കുകള്‍ വ്യക്തമാക്കുന്നത്.

പരിക്ക് മൂലം ഓസ്ട്രേലിയയുടെ വെസ്റ്റിന്‍ഡീസ്, ബംഗ്ലാദേശ് ടൂറിൽ നിന്ന് സ്റ്റീവ് സ്മിത്ത് വിട്ട് നില്‍ക്കുവാന്‍ തീരുമാനിച്ചിരുന്നു. താന്‍ പൂര്‍ണ്ണമായും ഫിറ്റായി ആഷസിനെത്തുവാന്‍ ടി20 ലോകകപ്പിൽ നിന്ന് വിട്ട് നില്‍ക്കണമെങ്കിൽ താന്‍ അതിന് തയ്യാറാണെന്നും സ്മിത്ത് സൂചിപ്പിച്ചു. തന്റെ പ്രധാന ലക്ഷ്യം ടെസ്റ്റ് ക്രിക്കറ്റാണെന്നും താരം സൂചിപ്പിച്ചു.

ലോകകപ്പിന് മുമ്പ് സമയം ഉണ്ടെന്നും തന്റെ പുരോഗതി അല്പം പതിഞ്ഞ മട്ടിലാണെങ്കിലും ലോകകപ്പിന് തനിക്ക് ടീമിലിടം നേടാനാകുമെന്നാണ് കരുതുന്നതെന്നും അല്ലാത്ത പക്ഷം ആഷസിന് തനിക്ക് തിരിച്ചുവരവ് നടത്താനാകുമെന്നാണ് കരുതുന്നതെന്നും സ്മിത്ത് പറഞ്ഞു

You might also like