ഓസ്ട്രേലിയയ്ക്കെതിരെ ആദ്യ ഏകദിനത്തിൽ 7 വിക്കറ്റ് നഷ്ടത്തിൽ 300 റൺസ് നേടി ശ്രീലങ്ക. ധനുഷ്ക ഗുണതിലക(55), പതും നിസ്സങ്ക(56), കുശൽ മെന്‍ഡിസ്(86*) എന്നിവരുടെ മികവാര്‍ന്ന പ്രകടനത്തിന്റെയും വനിന്‍ഡു ഹസരംഗയുടെ(19 പന്തിൽ 37) വെടിക്കെട്ട് പ്രകടനത്തിന്റെയും ബലത്തിലാണ് ശ്രീലങ്ക ഈ സ്കോര്‍ നേടിയത്.
115 റൺസാണ് ഗുണതിലക – നിസങ്ക കൂട്ടുകെട്ട് ഒന്നാം വിക്കറ്റിൽ നേടിയത്. പിന്നീട് കുശൽ മെന്‍ഡിസ് ആണ് ഇന്നിംഗ്സ് ഒരു വശത്ത് നിന്ന് മുന്നോട്ട് നയിച്ചത്. ഓസ്ട്രേലിയയ്ക്കായി ആഷ്ടൺ അഗറും മാര്‍നസ് ലാബൂഷാനെയും 2 വീതം വിക്കറ്റ് നേടി.
