വാണ്ടറേഴ്സ് ടെസ്റ്റില് മികച്ച തിരിച്ചുവരവുമായി ശ്രീലങ്ക. ഒരു ഘട്ടത്തില് 218/1 എന്ന നിലയില് കുതിയ്ക്കുകയായിരുന്നു ദക്ഷിണാഫ്രിക്കയെ 302 റണ്സിന് പുറത്താക്കിയാണ് ശ്രീലങ്ക മത്സരത്തിലേക്ക് ശക്തമായ തിരിച്ചുവരവ് നടത്തിയത്. 145 റണ്സിന്റെ ലീഡ് ദക്ഷിണാഫ്രിക്കയുടെ കൈവശമുണ്ട്.
അഞ്ച് വിക്കറ്റ് നേടിയ വിശ്വ ഫെര്ണാണ്ടോയാണ് ശ്രീലങ്കയ്ക്കായി മികച്ച പ്രകടനം പുറത്തെടുത്തത്. അശിത ഫെര്ണാണ്ടോ, ദസുന് ഷനക എന്നിവരും രണ്ട് വീതം വിക്കറ്റ് നേടി. മത്സരത്തില് ഡീന് എല്ഗാര്(127), റാസ്സി വാന് ഡെര് ഡൂസ്സെന്(67) എന്നിവരുടെ മികവില് ദക്ഷിണാഫ്രിക്ക കൂറ്റന് സ്കോറിലേക്ക് നീങ്ങുമെന്ന് തോന്നിപ്പിച്ചുവെങ്കിലും ശക്തമായ രീതിയില് ലങ്ക തിരിച്ചടിയ്ക്കുകയായിരുന്നു.
