ദക്ഷിണാഫ്രിക്കക്കെതിരായ മൂന്നാം ഏകദിനത്തിൽ ശ്രീലങ്കക്ക് ജയം. 78 റൺസിനാണ് ശ്രീലങ്ക ദക്ഷിണാഫ്രിക്കയെ പരാജയപ്പെടുത്തിയത്. ഇതോടെ മൂന്ന് മത്സരങ്ങളുള്ള ഏകദിന പരമ്പര 2-1ന് ശ്രീലങ്ക സ്വന്തമാക്കി. ആദ്യം ബാറ്റ് ചെയ്ത ശ്രീലങ്ക 9 വിക്കറ്റ് നഷ്ടത്തിൽ 203 റൺസാണ് എടുത്തത്.
ശ്രീലങ്കക്ക് വേണ്ടി 47 റൺസ് എടുത്ത ചരിത് അസലങ്ക മികച്ച പ്രകടനം പുറത്തെടുത്തു. തുടർന്ന് ബാറ്റ് ചെയ്ത ദക്ഷിണാഫ്രിക്ക 30 ഓവറിൽ 125 റൺസിന് എല്ലാരും ഓൾ ഔട്ട് ആവുകയായിരുന്നു. അരങ്ങേറ്റത്തിൽ 4 വിക്കറ്റ് വീഴ്ത്തിയ സ്പിന്നർ മഹീഷ് തീക്ഷണയുടെ പ്രകടനമാണ് ശ്രീലങ്കക്ക് ജയം അനായാസമാക്കിയത്. ദക്ഷിണാഫ്രിക്കൻ നിരയിൽ 22 റൺസ് എടുത്ത ഹെയ്ൻറിച്ച് ക്ലാസൻ ആണ് അവരുടെ ടോപ് സ്‌കോറർ.
