ഈ മാസം ഓസ്ട്രേലിയയിൽ നടക്കുന്ന പുരുഷ ടി20 ലോകകപ്പിനു വേണ്ടി ശ്രീല‌ക ഓസ്ട്രേലിയയിലേക്ക് യാത്ര തിരിച്ചു. ഏഷ്യാ കപ്പ് ചാമ്പ്യന്മാരായ ശ്രീലങ്ക ലോകകപ്പിലും കിരീടം ഉയർത്താൻ ആകുമെന്ന പ്രതീക്ഷയിലാണ്. ഇതിനു മുമ്പ് ഒരു തവണ ശ്രീലങ്ക ടി20 ലോകകപ്പ് നേടിയിട്ടുണ്ട്‌. സൂപ്പർ 12ന് നേരിട്ട് യോഗ്യത നേടാൻ സാധിക്കാത്തത് കൊണ്ട് ആദ്യ ഗ്രൂപ്പ് ഘട്ട മത്സരങ്ങൾ ശ്രീലങ്കയ്ക്ക് കളിക്കേണ്ടതുണ്ട്.
ഗ്രൂപ്പ് ഘട്ടത്തിൽ നമീബിയ, യു എ ഇ, നെതർലാന്റ്സ് എന്നിവർ ആണ് ശ്രീലങ്കയ്ക്ക് ഒപ്പം ഉള്ളത്‌. ഈ ഗ്രൂപ്പിൽ ആദ്യ രണ്ട് സ്ഥാനങ്ങളിൽ എത്തിയാൽ മാത്രമെ അവർക്ക് സൂപ്പർ 12ൽ എത്താൻ ആകൂ. ലോകകപ്പിന് മുന്നോടിയായി ശ്രീലങ്ക അയർലണ്ടിന് എതിരെയും സിംബാബ്‌വെക്ക് എതിരെയും സന്നാഹ മത്സരങ്ങൾ കളിക്കും.
