കൊറോണ വൈറസ് ബാധയെ തുടർന്ന് അടച്ചിട്ട സ്റ്റേഡിയത്തിൽ സ്റ്റേഡിയത്തിൽ മത്സരങ്ങൾ നടത്തുന്നത് നിരാശാജനകമാണെന്ന് ഇന്ത്യൻ ക്രിക്കറ്റ് ഇതിഹാസം സച്ചിൻ ടെണ്ടുൽക്കർ. കാണികൾ ഏതൊരു കായിക മത്സരത്തിന്റെയും അഭിവാജ്യ ഘടകമാണെന്നും ആരാധകരുടെ പ്രോത്സാഹനവും ചാന്റുകളും കായിക മത്സരങ്ങൾക്ക് ആവിശ്യമാണെന്നും സച്ചിൻ പറഞ്ഞു.
കാണികൾ ഇല്ലാത്ത സ്റ്റേഡിയത്തിൽ കളിക്കുന്നത് കളിക്കാരെ സംബന്ധിച്ച് നിരാശ ഉണ്ടാക്കുന്നതാണെന്നും മത്സരത്തിന്റെ പല ഘട്ടങ്ങളിലും താരങ്ങൾ കാണികളുടെ പ്രതികരണത്തിന് അനുസരിച്ച് കളിക്കാറുണ്ടെന്നും സച്ചിൻ പറഞ്ഞു. ഒരു താരം മികച്ച ഷോട്ട് കളിക്കുകയും കാണികൾ അതിന് അനുസരിച്ച് പ്രതികരിക്കുകയും ചെയ്താൽ അത് ബാറ്റ്സ്മാന് കൂടുതൽ എനർജി നൽകുമെന്നും സച്ചിൻ പറഞ്ഞു. അതെ പോലെ ഒരു ബൗളർ മികച്ച ഒരു ഓവർ എറിയുകയും കാണികൾ അതിന് അനുസരിച്ച് പ്രതികരിക്കുകയും ചെയ്താൽ അത് ബാറ്റ്സ്മാൻ സമ്മർദ്ദം സൃഷ്ടിക്കുമെന്നും സച്ചിൻ പറഞ്ഞു.
