ഇന്ത്യൻ വൈസ് ക്യാപ്റ്റൻ സ്മൃതി മന്ദാന രണ്ടാം വർഷവും ഐസിസി വനിതാ ടി20 ക്രിക്കറ്റർ ഓഫ് ദ ഇയർ അവാർഡിന് നാമനിർദ്ദേശം ചെയ്യപ്പെട്ടു. പാക്കിസ്ഥാന്റെ നിദാ ദാർ, ന്യൂസിലൻഡിന്റെ സോഫി ഡിവിൻ, ഓസ്ട്രേലിയയുടെ തഹ്ലിയ മഗ്രാത്ത് എന്നിവർക്കൊപ്പം ആണ് സ്മൃതി അവാർഡിനായി രംഗത്ത് ഉള്ളത്.
കഴിഞ്ഞ വർഷവും സ്മൃതി അവസാന നാലിൽ ഉണ്ടായിരുന്നു. എന്നാൽ ടാമി ബ്യൂമോണ്ട് ആയിരുന്നു അന്ന് പുരസ്കാരം നേടിയത്. ഇന്ത്യൻ വൈസ് ക്യാപ്റ്റൻ 2022ൽ മികച്ച ഫോമിലായിരുന്നു, 23 മത്സരങ്ങളിൽ നിന്ന് 5 അർധസെഞ്ചുറി ഉൾപ്പെടെ 593 റൺസ് നേടി.
