ഓസ്ട്രേലിയയുടെ ദക്ഷിണാഫ്രിക്കൻ പര്യടനത്തിൽ നിന്ന് സ്റ്റീവ് സ്മിത്തും മിച്ചൽ സ്റ്റാർക്കും പരിക്ക് കാരണം മാറി നിൽക്കും. ഇരുവരും ഏകദിന ലോകകപ്പിന് മുമ്പ് പൂർണ്ണ ഫിറ്റ്നസിൽ തിരികെയെത്തും എന്ന് ഓസ്ട്രേലിയ പ്രതീക്ഷിക്കുന്നു.
കൈത്തണ്ടയിൽ പരിക്കേറ്റ് സുഖം പ്രാപിക്കുന്നതിനാ ദക്ഷിണാഫ്രിക്കൻ പര്യടനത്തിൽ നിന്ന് ക്യാപ്റ്റൻ പാറ്റ് കമ്മിൻസും വിട്ടുനിൽക്കുകയാണ്. ഇടത് കൈത്തണ്ടയിലെ പരിക്ക് കാരണമാണ് സ്മിത്ത് പുറത്തായത്. താരത്തിന് നാലാഴ്ചത്തേക്ക് വിശ്രമം വേണ്ടി വരും.
സ്റ്റാർക്കിന് ഗ്രോയിൻ ഇഞ്ച്വറിയാണ്. സ്റ്റാർക്കിന്റെ അഭാവത്തിൽ സ്പെൻസർ ജോൺസൺ ഏകദിന ടീമിൽ തുടരും. സ്മിത്തിന്റെ അസാന്നിധ്യം മാർനസ് ലബുഷാഗ്നെയ്ക്ക് ഏകദിനത്തിൽ തന്റെ സ്ഥാനം തിരികെ നൽകും. ടി20യിൽ സ്മിത്തിന് പകരം ആഷ്ടൺ ടർണറും ടീമിൽ എത്തി.
