കൊൽക്കത്ത നൈറ്റ് റൈഡേഴ്സ് താരം ശ്രേയസ്സ് അയ്യര്‍ ഐപിഎലിനു ഉണ്ടാകില്ല ഉറപ്പായി. ഐ പി എൽ പൂർണ്ണമായും ഒപ്പം ടെസ്റ്റ് ചാമ്പ്യൻഷിപ്പ് ഫൈനലും താരത്തിന് നഷ്ടമാകും എന്ന് ഉറപ്പായി. താരം ഇപ്പോൾ എന്‍സിഎയില്‍ ചികിത്സയിലാണ്. പരിക്ക് മാറാൻ ശസ്ത്രക്രിയ നടത്താനാണ് ഇപ്പോൾ ശ്രേയസ് അയ്യർ തീരുമാനിച്ചിരിക്കുന്നത്. 5-6 മാസം താരം പുറത്ത് ഇരിക്കേണ്ടി വരും. ഏകദിന ലോകകപ്പിനു മുമ്പ് തിരികെ വരാൻ ആകും ശ്രേയസ് ലക്ഷ്യമിടുന്നത്. അതും എളുപ്പമായിരിക്കില്ല.
ജൂൺ 7 മുതൽ 11 വരെ ലണ്ടനിലെ ദി ഓവലിലാണ് ലോക ടെസ്റ്റ് ചാമ്പ്യന്‍ഷിപ്പ് ഫൈനൽ. ശ്രേയസിന്റെ അഭാവം കൊൽക്കത്ത നൈറ്റ് റൗഡേഴ്സിനും ഇന്ത്യക്കും ഒരുപോലെ നഷ്ടമാണ്. കെ കെ ആർ ശ്രേയസിന് പകരം നിതീഷ് റാണയെ ഈ ഐ പി എല്ലിലെ ക്യാപ്റ്റൻ ആയി നിയമിച്ചിരുന്നു.
