ലോകകപ്പിന് ശേഷം പാക്കിസ്ഥാന് ക്രിക്കറ്റിന് പുതിയ നായകനെ നിര്ദ്ദേശിച്ച് മുന് പാക്കിസ്ഥാന് പേസര് ഷൊയ്ബ് അക്തര്. സര്ഫ്രാസ് അഹമ്മദിന്റെ നേതൃത്വത്തില് പാക്കിസ്ഥാന് അവസാന മത്സരങ്ങളില് മെച്ചപ്പെട്ട് പ്രകടനം പുറത്തെടുത്തുവെങ്കിലും തുടക്കത്തിലെ പാളിച്ച കാരണം ടീം സെമി കാണാതെ പുറത്ത് പോകുകയായിരുന്നു. സീനിയര് താരമായ സര്ഫ്രാസ് അഹമ്മദിന് പകരം കുറച്ച് കൂടി യുവ താരങ്ങളെ ഈ ദൗത്യം ഏല്പിക്കുക എന്ന ലക്ഷ്യത്തോടെയാണ് ഈ നിര്ദ്ദേശങ്ങള് ഷൊയ്ബ് അക്തര് മുന്നോട്ട് വെച്ചത്.
ടെസ്റ്റില് ബാബര് അസമിനെയും പരിമിത ഓവര് ക്രിക്കറ്റില് ഹാരിസ് സൊഹൈലിനെയും പാക്കിസ്ഥാന് നായകനായി പരിഗണിക്കണമെന്നാണ് പാക്കിസ്ഥാന് മുന് സൂപ്പര് പേസറുടെ ആവശ്യം.
