മുൻ ഇന്ത്യൻ താരം ഗൗതം ഗംഭീർ, ഹാർദിക് പാണ്ഡ്യയ്ക്ക് ശരിയായ ബാക്കപ്പ് ടീമിക് ഇല്ല എന്ന് പറഞ്ഞു. ശാർദുൽ താക്കൂർ ബാറ്റ് കൊണ്ട് എത്ര മാത്രം വിശ്വസിക്കാൻ ആവുന്ന താരമാണെന്ന് അറിയില്ല എന്ന് ഗംഭീർ പറയുന്നു. ഹാർദിക്കിന് അനുയോജ്യമായ ബാക്കപ്പ് ആണ് ശർദ്ധുൽ എന്ന് കരുതുന്നില്ല എന്നും ശിവം ദുബെയ്ക്ക് അവസരം ലഭിക്കണമായുരുന്നു എന്നും പറഞ്ഞു.
“അവർ തീർച്ചയായും പരിഗണിക്കേണ്ട ഒരു പേര് ശിവം ദുബെയായിരുന്നു. കാരണം അദ്ദേഹം ഏത് തരത്തിലും ഫോമിലാണ്. നിങ്ങൾക്ക് ഹാർദിക് പാണ്ഡ്യയ്ക്ക് ഒരു ബാക്കപ്പ് ആവശ്യമാണ്. ഷാർദുൽ താക്കൂറിന് അത് ആകാൻ കഴിയില്ല. ” ഗംഭീർ പറഞ്ഞു.
“ഇതൊരു മാന്യമായ സ്ക്വാഡാണ്, എന്റെ അഭിപ്രായത്തിൽ ഒരു നല്ല സ്ക്വാഡ് തിരഞ്ഞെടുത്തിട്ടുണ്ട്, പക്ഷേ എവിടെയെങ്കിലും ഒരു റിസ്റ്റ് സ്പിന്നറെയും ആവശ്യമാണ്. ഇത് ഒരു സീം സ്ക്വാഡാണ്, രവി ബിഷ്‌ണോയിയെയോ യുസ്വേന്ദ്ര ചാഹലിനെയോ തിരഞ്ഞെടുക്കേണ്ടതായിരുന്നു, നിങ്ങൾ ഇന്ത്യയിൽ കളിക്കുമ്പോൾ രണ്ട് റിസ്റ്റ് സ്പിന്നർമാരെ ടീമിൽ നിലനിർത്തേണ്ടത് പ്രധാനമാണ്, ”അദ്ദേഹം അഭിപ്രായപ്പെട്ടു.
