വെസ്റ്റിൻഡീസിനെതിരായ ഏകദിന പരമ്പരയിൽ നിന്നും ശിഖർ ധവാൻ പുറത്ത്

0
വെസ്റ്റിൻഡീസിനെതിരായ ഏകദിന പരമ്പരയിൽ നിന്നും ശിഖർ ധവാൻ പുറത്ത്

ടി20 പരമ്പരക്ക് ശേഷം നടക്കുന്ന വെസ്റ്റിൻഡീസിനെതിരായ ഏകദിന പരമ്പരയിൽ നിന്നും ഇന്ത്യൻ ഓപണർ ശിഖർ ധവാൻ പുറത്തെന്ന് സൂചനകൾ. പരിക്ക് മാറി പൂർണമായും ഫിറ്റ് ആവാൻ താരത്തിന് ഇനിയും സമയം വേണം എന്നതാണ് താരത്തിന് തിരിച്ചടിയായത്. കാൽ മുട്ടിനേറ്റ പരിക്കാണ് താരത്തെ പരമ്പരയിൽ നിന്ന് പുറത്താക്കിയത്. സയ്ദ് മുഷ്‌താഖ്‌ അലി ട്രോഫിയിൽ മഹാരാഷ്ട്രക്കെതിരെ കളിക്കുമ്പോഴാണ് ശിഖർ ധവാന് പരിക്കേറ്റത്.

നേരത്തെ ടി20 പരമ്പരക്കും ഏകദിന പരമ്പരക്കുമുള്ള ടീമിൽ ധവാനെ ഉൾപ്പെടുത്തിയിരുന്നു. എന്നാൽ പരിക്കേറ്റതോടെ താരത്തിന് പകരമായി കേരള താരം സഞ്ജു സാംസണ് അവസരം ലഭിക്കുകയായിരുന്നു. ഡിസംബർ 15ന് തുടങ്ങുന്ന ഏകദിന പരമ്പരക്ക് മുൻപ് താരത്തിന് പകരക്കാരനെ ബി.സി.സി.ഐ പ്രഖ്യാപിക്കും. ടി20യിൽ ശിഖർ ധവാന് പകരം ടീമിൽ ഇടം നേടിയ സഞ്ജു സാംസൺ ധവാന്റെ പകരക്കാരനാവാൻ സാധ്യതയുണ്ട്. സഞ്ജു സാംസണെ കൂടാതെ ശുഭ്മാൻ ഗിൽ, മായങ്ക് അഗർവാൾ എന്നിവരും ശിഖർ ധവാന്റെ പകരക്കാരാവാൻ സാധ്യതയുള്ളവരുടെ കൂട്ടത്തിലുണ്ട്.