ശതകം നേടി സച്ചിന്‍ ബേബിയും, കേരളത്തിന് വലിയ സ്കോര്‍

- Advertisement -

ഡല്‍ഹിയ്ക്കെതിരെ രണ്ടാം ദിവസം ലഞ്ചിന് പിരിയുമ്പോള്‍ കേരളം 410/5 എന്ന ശക്തമായ നിലയില്‍. ഇന്നലെ 276/3 എന്ന നിലയില്‍ കളി അവസാനിപ്പിച്ച കേരളത്തിന് വിഷ്ണു വിനോദിന്റെ വിക്കറ്റ് 5 റണ്‍സ് കൂടി നേടുന്നതിനിടയില്‍ നഷ്ടമായിരുന്നു. അധികം വൈകാതെ മുഹമ്മദ് അസ്ഹറുദ്ദീനെയും(15) കേരളത്തിന് നഷ്ടമായെങ്കിലും പിന്നീട് സച്ചിന്‍ ബേബിയും സല്‍മാന്‍ നിസാറും കേരളത്തെ മുന്നോട്ട് നയിക്കുകയായിരുന്നു.

ഉച്ച ഭക്ഷണത്തിന് പിരിയുമ്പോള്‍ 103 റണ്‍സുമായി സച്ചിന്‍ ബേബിയും 46 റണ്‍സ് നേടി സല്‍മാന്‍ നിസാറുമാണ് ക്രീസില്‍. ആറാം വിക്കറ്റില്‍ ഈ കൂട്ടുകെട്ട് 100 റണ്‍സാണ് ഇപ്പോള്‍ നേടിയിട്ടുള്ളത്. ഡല്‍ഹിയ്ക്കായി തേജസ് ബരോക രണ്ടും പ്രദീപ് സംഗ്വാന്‍, വികാസ് മിശ്ര, ശിവം ശര്‍മ്മ എന്നിവര്‍ ഓരോ വിക്കറ്റും നേടി.

Advertisement