ജോ റൂട്ടിനെതിരെയുള്ള അസഭ്യ വര്‍ഷത്തിനു നാല് മത്സരത്തിന്റെ വിലക്ക് ലഭിച്ച് ഷാനണ്‍ ഗബ്രിയേല്‍. ഐസിസിയുടെ അച്ചടക്ക നടപടിയുടെ ഭാഗമായാണ് താരത്തിനെതിരെയുള്ള ശിക്ഷ. നേരത്തെ തന്നെ അഞ്ച് ഡീമെറിറ്റ് പോയിന്റുള്ള താരത്തിനുണ്ടായിരുന്നു. സമാനമായ രണ്ട് അവസരങ്ങളില്‍ പാക്കിസ്ഥാനെതിരെ ഏപ്രില്‍ 2017ല്‍ മൂന്ന് ഡീമെറിറ്റ് പോയിന്റും ചിറ്റഗോംഗ് ടെസ്റ്റില്‍ കഴിഞ്ഞ നവംബറില്‍ ബംഗ്ലാദേശിനെതിരെ രണ്ട് ഡീമെറിറ്റ് പോയിന്റും നേരത്തെ തന്നെ താരത്തിനു മേല്‍ ചുമത്തിയിരുന്നു.
ഇന്നത്തെ മൂന്ന് ഡീമെറിറ്റ് പോയിന്റുകള്‍ കൂടി ചേര്‍ത്തതോടെ എട്ട് ഡീ മെറിറ്റ് പോയിന്റുകള്‍ എത്തിയതിനാല്‍ താരത്തിനു നാല് സസ്പെന്‍ഷന്‍ പോയിന്റായി ഇത് മാറുകയായിരുന്നു. നാല് സസ്പെന്‍ഷന്‍ പോയിന്റെന്നാല്‍ രണ്ട് ടെസ്റ്റ് മത്സരങ്ങളില്‍ നിന്ന് സസ്പെന്‍ഷനോ അല്ലേല്‍ നാല് ഏകദിനങ്ങളിലോ ടി20കളിലോ താരത്തിനു വിലക്ക് വരികയായിരുന്നു. 2018ല്‍ മിര്‍പുര്‍ ടെസ്റ്റില്‍ നിന്നും ഗബ്രിയേലിനു വിലക്ക് വന്നിരുന്നു.
