ന്യൂസിലാണ്ടിനെ 431 റണ്‍സിന് പുറത്താക്കി തങ്ങളുടെ ഒന്നാം ഇന്നിംഗ്സ് ബാറ്റിംഗിനിറങ്ങിയ പാക്കിസ്ഥാന് ഒരു വിക്കറ്റ് നഷ്ടം. രണ്ടാം ദിവസം കളി നിര്‍ത്തുമ്പോള്‍ ടീം 30 റണ്‍സാണ് ഒരു വിക്കറ്റ് നഷ്ടത്തില്‍ നേടിയത്. ആബിദ് അലി 19 റണ്‍സും റണ്ണൊന്നുമെടുക്കാതെ നൈറ്റ്വാച്ച്മാന്‍ മുഹമ്മദ് അബ്ബാസുമാണ് ക്രീസിലുള്ളത്.
10 റണ്‍സ് നേടിയ ഷാന്‍ മസൂദിനെയാണ് പാക്കിസ്ഥാന് നഷ്ടമായത്. കൈല്‍ ജാമിസണ് ആണ് വിക്കറ്റ്. ന്യൂസിലാണ്ടിന്റെ സ്കോറിന് 401 റണ്‍സ് പിന്നിലായാണ് പാക്കിസ്ഥാനുള്ളത്.
