ലോകകപ്പിനു മുമ്പായി ഐസിസിയുടെ ഏറ്റവും പുതിയ ഏകദിന ബാറ്റ്സ്മാന്മാരുടെ റാങ്കിംഗില്‍ നാലാം നമ്പറിലേക്ക് ഉയര്‍ന്ന് വിന്‍ഡീസ് താരം ഷായി ഹോപ്. ബംഗ്ലാദേശ്, അയര്‍ലണ്ട് എന്നിവര്‍ പങ്കെടുത്ത ത്രിരാഷ്ട്ര ഏകദിന പരമ്പരയിലെ മികച്ച പ്രകടനമാണ് താരത്തെ നാലാം നമ്പറിലേക്ക് എത്തിച്ചത്. പട്ടികയില്‍ ഒന്നാം സ്ഥാനത്ത് വിരാട് കോഹ്‍ലി തന്നെയാണ്. രണ്ടാം സ്ഥാനം ഇന്ത്യയുടെ തന്നെ രോഹിത് ശര്‍മ്മയും.
മൂന്നാം സ്ഥാനത്ത് ന്യൂസിലാണ്ടിന്റെ റോസ് ടെയിലറും അഞ്ചാം സ്ഥാനത്ത് ദക്ഷിണാഫ്രിക്കയുടെ ക്വിന്റണ്‍ ഡി കോക്കുമാണ് നിലകൊള്ളുന്നത്.
