ട്രെന്‍ഡ് ബ്രിഡ്ജിലെ ഈ സാഹചര്യങ്ങളില്‍ ടോസ് നഷ്ടമായതും തുടക്കത്തില്‍ വിക്കറ്റുകള്‍ നഷ്ടമായതുമാണ് പാക്കിസ്ഥാന്റെ തോല്‍വിയ്ക്ക് കാരണമെന്ന് പറഞ്ഞ് നായകന്‍ സര്‍ഫ്രാസ് അഹമ്മദ്. ഈ നിലയില്‍ നിന്ന് തിരിച്ചുവരവ് വളരെ പാടായിരുന്നുവെന്നും ഇവിടെ നിന്നും ഇനി പോസിറ്റീവ് ക്രിക്കറ്റാണ് പാക്കിസ്ഥാന് കളിയ്ക്കേണ്ടതെന്നും സര്‍ഫ്രാസ് അഭിപ്രായപ്പെട്ടു.
ബാറ്റിംഗ് യൂണിറ്റ് കൈവിട്ടതാണ് തിരിച്ചടിയായത്. പേസ് ബൗളിംഗുമായി തങ്ങളെ വിന്‍ഡീസ് ആക്രമിക്കുമെന്ന് ഞങ്ങള്‍ക്ക് തീര്‍ച്ചയായിരുന്നു. ഷോര്‍ട്ട് ബോളുകള്‍ക്കെതിരെ മികച്ച രീതിയില്‍ പാക്കിസ്ഥാന് കളിയ്ക്കുവാനായില്ലെന്ന് പറഞ്ഞ സര്‍ഫ്രാസ് ഇന്നത്തെ ദിവസം പാക്കിസ്ഥാന് മോശം ദിവസമാണെന്ന് പറഞ്ഞു. തന്റെ ടീം തിരിച്ചുവരവ് നടത്തുമെന്ന് ഉറപ്പാണെന്നും മുഹമ്മദ് അമീര്‍ തിരികെ മികച്ച ബൗളിംഗിലേക്ക് വന്നത് ശുഭസൂചനയാണെന്നും സര്‍ഫ്രാസ് പറഞ്ഞു. ഇംഗ്ലണ്ടില്‍ തങ്ങള്‍ക്ക് മികച്ച പിന്തുണ പൊതുവേ ലഭിയ്ക്കാറുണ്ടെന്നും അത് ഇനിയും തുടരുമെന്നാണ് പ്രതീക്ഷിക്കുന്നതെന്നും സര്‍ഫ്രാസ് പറഞ്ഞു.
