ഇംഗ്ലണ്ട് ടെസ്റ്റ് താരങ്ങളായ സാം കറന്‍, ബെന്‍ ഫോക്സ് എന്നിവര്‍ക്കൊപ്പം ടോം കറനും സറേയുമായുള്ള കരാര്‍ പുതുക്കി. സാം കറന്‍ രണ്ട് വര്‍ഷത്തേക്ക് കരാര്‍ പുതുക്കിയപ്പോള്‍ മൂന്ന് വര്‍ഷത്തേക്കാണ് ബെന്‍ ഫോക്സും ടോം കറനും തങ്ങളുടെ കരാറുകള്‍ പുതുക്കിയത്. ഇരുവരും 2021 വരെയും സാം കറന്‍ 2020 വരെയും കൗണ്ടിയില്‍ തുടരും.
കഴിഞ്ഞ കുറേ കാലമായി മികച്ച പ്രകടനങ്ങള്‍ ദേശീയ ടീമിനുവേണ്ടി നടത്തി വരികയാണ് സാം കറനും ബെന്‍ ഫോക്സും. കറന്‍ ഇന്ത്യയ്ക്കെതിരെ ടെസ്റ്റില്‍ മികച്ച പ്രകടനം പുറത്തെടുത്ത് അതിന്റെ ബലത്തില്‍ ഐപിഎലില്‍ 7.2 കോടിയ്ക്ക് കിംഗ്സ് ഇലവന്‍ പഞ്ചാബില്‍ എത്തുകയായിരുന്നു. ബെന്‍ ഫോക്സ് ശ്രീലങ്കയില്‍ 3-0നു ചരിത്ര പരമ്പര വിജയിച്ചപ്പോള്‍ മാന്‍ ഓഫ് ദി സീരീസ് ട്രോഫി കരസ്ഥമാക്കി. ബിഗ് ബാഷില്‍ മികച്ച ഫോമില്‍ കളിക്കുന്ന താരമാണ് സാം കറന്‍.
