ഇന്ത്യയുടെ വരാനിരിക്കുന്ന അയര്‍ലണ്ട് ടൂറിനുള്ള കോച്ചിംഗ് സംഘത്തിൽ വിവിഎസ് ലക്ഷ്മണിന് സഹായികളായി എന്‍സിഎ കോച്ചുമാര്‍ എത്തും. സിതാന്‍ഷു കോട്ടക്(ബാറ്റിംഗ്), സായിരാജ് ബഹ്തുലേ(ബൗളിംഗ്), മുനീഷ് ബാലി(ഫീൽഡിംഗ്) എന്നിവരാണ് ലക്ഷ്മണിന്റെ കോച്ചിംഗ് സംഘത്തിലുണ്ടാകുക.
ഇന്ത്യയുടെ ഇംഗ്ലണ്ട് ടൂറിൽ രാഹുല്‍ ദ്രാവിഡ് കോച്ചിംഗ് ദൗത്യം വഹിക്കുമ്പോള്‍ സമാന്തരമായി നടക്കുന്ന അയര്‍ലണ്ട് ടൂറിൽ ലക്ഷ്മൺ ആവും ചുമതല വഹിക്കുക.
ഇന്ത്യയുടെ ടെസ്റ്റ് സംഘം ജൂൺ 15ന് ഇംഗ്ലണ്ടിലേക്ക് യാത്രയാകും. ഈ മൂവര്‍ സംഘം ദക്ഷിണാഫ്രിക്കയ്ക്കെതിരെയുള്ള ഇന്ത്യയുടെ ടി20 സ്ക്വാഡിനൊപ്പം ചേര്‍ന്നുവെന്നാണ് ലഭിയ്ക്കുന്ന വിവരം.
