ഐപിഎൽ ഫ്രാഞ്ചൈസിയായ രാജസ്ഥാന്‍ റോയൽസിന് പുതിയ അക്കാദമി. യുഎസിലെ ന്യൂ ജേഴ്സിയിൽ ആണ് രാജസ്ഥാന്‍ റോയൽസ് അക്കാദമി തുടങ്ങിയത്. ഇത് ഫ്രാഞ്ചൈസിയുടെ അമേരിക്കയിലെ ആദ്യ അക്കാദമിയാണ്.
50 കുട്ടികള്‍ക്കാണ് തുടക്കത്തിൽ അക്കാദമിയിൽ പരിശീലനം ലഭിയ്ക്കുക. ഇന്‍ഡോര്‍ , ഔട്ട്ഡോര്‍ സൗകര്യങ്ങളോട് കൂടിയുള്ള ഈ അക്കാദമിയിലെ ഇന്‍ഡോര്‍ സൗകര്യം 10000 സ്ക്വയര്‍ ഫീറ്റോളമുള്ളതാണ്.
ആറ് ബാറ്റിംഗ് ലൈന്‍, ബൗളിംഗ് മെഷിനുകളും ലോകോത്തര ക്രിക്കറ്റിംഗ് ഉപകരണങ്ങളുമാണ് ഇവിടെ സജ്ജീകരിച്ചിരിക്കുന്നത്. അക്കാദമിയിൽ നിന്ന് 500 മീറ്റര്‍ അകലെ ഫുള്‍ സൈസ് ക്രിക്കറ്റ് ഗ്രൗണ്ടും സ്ഥിതി ചെയ്യുന്നു.
