ഇന്ത്യയ്ക്കെതിരെ മികച്ച നിലയിൽ മൂന്നാം ദിവസം ആരംഭിച്ച് ഇംഗ്ലണ്ട്. ഇന്ന് ആദ്യ സെഷന് അവസാനിക്കുമ്പോള് ഇംഗ്ലണ്ട് 216/3 എന്ന നിലയിലാണ്. ജോ റൂട്ടും ജോണി ബൈര്സ്റ്റോയും അര്ദ്ധ ശതകങ്ങള് തികച്ചപ്പോള് ഒരു വിക്കറ്റ് പോലും ഇന്ത്യയ്ക്ക് ഈ സെഷനിൽ നേടാനായില്ല. 97 റൺസാണ് ഇംഗ്ലണ്ട് ഇന്ന് ആദ്യ സെഷനിൽ നേടിയത്.
108 റൺസിന്റെ നാലാം വിക്കറ്റ് കൂട്ടുകെട്ടിന്റെ ബലത്തിൽ ഇന്ത്യയുടെ ലീഡ് 148 ആക്കി കുറയ്ക്കുവാന് ഇംഗ്ലണ്ടിന് സാധിച്ചിട്ടുണ്ട്. 89 റൺസുമായി റൂട്ടും 51 റൺസ് നേടിയ ജോണി ബൈര്സ്റ്റോയുമാണ് ക്രീസിലുള്ളത്.
