“ഇന്ത്യക്ക് ഇതുവരെ ഉണ്ടായതിൽ ഏറ്റവും മികച്ച ബാറ്റിംഗ് ലൈനപ്പ് ആണ് ഈ ലോകകപ്പിൽ ഉള്ളത്” – രവി ശാസ്ത്രി

ഈ ടി20 ലോകകപ്പിലെ ഇന്ത്യയുടെ ബാറ്റിങ് ലൈനപ്പ് ഇന്ത്യ ഇതുവരെ ലോകകപ്പിന് പോയതിൽ ഏറ്റവും മികച്ച ബാറ്റിംഗ് ലൈനപ്പ് ആണെന്ന് മുമ്പ് ഇന്ത്യൻ കോച്ച് രവി ശാസ്ത്രി.

കഴിഞ്ഞ ആറ്-ഏഴ് വർഷമായി ഞാൻ ഈ സിസ്റ്റത്തിന്റെ ഭാഗമാണ്, ആദ്യം ഒരു പരിശീലകനെന്ന നിലയിലും, ഇപ്പോൾ ഞാൻ പുറത്ത് നിന്നും ടീമിനെ വീക്ഷിക്കുന്നു, ടി20 ക്രിക്കറ്റിൽ ഇന്ത്യക്ക് ഇതുവരെ ഉണ്ടായിട്ടില്ലാത്തത്ര മികച്ച ലൈനപ്പാണ് ഇതെന്ന് ഞാൻ കരുതുന്നു. ശാസ്ത്രി മുംബൈ പ്രസ് ക്ലബിൽ നടന്ന ചടങ്ങിൽ പറഞ്ഞു.

രവി ശാസ്ത്രി

സൂര്യ കുമാർ നമ്പർ 4-ലും ഹാർദിക് പാണ്ഡ്യ നമ്പർ 5-ലും ഋഷഭ് പന്ത് അല്ലെങ്കിൽ ദിനേഷ് കാർത്തിക് 6-ലും ഇറങ്ങുന്നത് ടീമിൽ വലിയ വ്യത്യാസം വരുത്തുന്നു. കാരണം ഈ താരങ്ങളുടെ സാന്നിദ്ധ്യം ടോപ്പ് ഓർഡർ ബാറ്റ്സ്മാന്മാരെ അവർ കളിക്കുന്ന രീതിയിൽ കളിക്കാൻ അനുവദിക്കുന്നു. എന്നും രവി ശാസ്ത്രി പറഞ്ഞു.