രഞ്ജി ട്രോഫിയുടെ ക്വാര്‍ട്ടര്‍ ഫൈനലില്‍ പരിമിതമായി ഡിആര്‍എസ് ഉപയോഗിക്കാമെന്ന തീരുമാനം തല്‍ക്കാലം വേണ്ടെന്ന് വെച്ച് ബിസിസിഐ. ഡിആര്‍എസ് ഉപയോഗം എന്നാല്‍ സെമി ഫൈനലിലും ഫൈനലിലും ഉപയോഗിക്കുമെന്നും ബിസിസിഐ ജനറല്‍ മാനേജര്‍(ഓപ്പറേഷന്‍സ്) സാബ കരീം വ്യക്തമാക്കി.
ടൂര്‍ണ്ണമെന്റിലെ രണ്ട് ക്വാര്‍ട്ടര്‍ മത്സരങ്ങള്‍ മാത്രം ടെലിവിഷനില്‍ കാണിക്കുന്നതിനാലാണ് തീരുമാനം പുനഃപരിശോധിക്കേണ്ടി വന്നതെന്ന് സാബ കരീം പറഞ്ഞു. അതിനാല്‍ തന്നെ സെമിയിലും ഫൈനലിലും ഡിആര്‍എസിന്റെ ഉപയോഗം ഉണ്ടാകുമെന്ന് സാബ കരീം വ്യക്തമാക്കി.
