വിദർഭയുടെ പോരാട്ടം മറികടന്ന് മുംബൈ രഞ്ജി ട്രോഫി കിരീടം ഉയർത്തി. മുംബൈ ഉയർത്തിയ 538 എന്ന വിജയ ലക്ഷ്യം പിന്തുടർന്ന വിദർഭ 368 റൺസിൽ ഓളൗട്ട് ആയി. 169 റൺസിന്റെ വിജയമാണ് മുംബൈ നേടിയത്. മുംബൈയുടെ 42ആം രഞ്ജി കിരീടമാണിത്.
100 റൺസ് എടുത്ത അക്ഷയ് വാദ്കറും 65 റൺസ് എടുത്ത ഹാർഷ് ദൂബെയും ആറാം വിക്കറ്റും വിദർഭയ്ക്ക് ആയി പൊരുതി. 130 റൺസിന്റെ ആറാം വിക്കറ്റ് കൂട്ടുകെട്ട് ഇവർ ഉയർത്തി. ഈ കൂട്ടുകെട്ട് പിരിഞ്ഞതിനു പിന്നാലെ വിദർഭ തകർന്നു. മുംബൈക്ക് ആയി തനുഷ് കൊടിയൻ നാലു വിക്കറ്റും മുഷീർ ഖാൻ, തുശാർ ദേശ്പാണ്ടെ എന്നിവർ രണ്ട് വിക്കറ്റ് വീതവും വീഴ്ത്തി.
മാച്ച് സമ്മറി:
മുംബൈ : 224 & 418
വിദർഭ : 105 & 368