എംഎസ് ധോണി ക്യാപ്റ്റനായിരുന്നപ്പോള് ഏറ്റവും അധികം അവസരം നല്കിയത് സുരേഷ് റെയ്നയ്ക്കായിരുന്നുവെന്ന് പറഞ്ഞ് യുവരാജ് സിംഗ്. താരത്തിനോട് ധോണിയ്ക്ക് ഏറെ പ്രിയമായിരുന്നുവന്നും യുവരാജ് പറഞ്ഞു. 2011 ലോകകപ്പിന് തൊട്ടു മുമ്പ് താനും റെയ്നയും രണ്ട് പേരും ഫോം ഔട്ട് ആയി നില്ക്കുകയായിരുന്നു. ഞങ്ങള് രണ്ട് പേരും പക്ഷേ സ്ക്വാഡില് ഇടം നേടി.
തനിക്ക് ബൗള് ചെയ്യാനാകുമെന്ന ആനുകൂല്യം ലഭിച്ചപ്പോള് തന്നെ ആദ്യ ഇലവനില് ഇടം പിടിക്കുവാന് സാധിച്ചപ്പോള് റെയ്നയ്ക്ക് നാല് മത്സരമാണ് കളിക്കാനായത്, ലീഗ് മത്സരങ്ങളില് ആദ്യ ചോയിസ് അല്ലായിരുന്നു. താനും റെയ്നയും മികച്ച ഫോമിലല്ലായിരുന്നു ലോകകപ്പിന് തൊട്ടുമുമ്പ്, എന്നാല് ഒരു ലെഫ്റ്റ് ആം സ്പിന്നറെ വേണമെന്നുള്ളതിനാല് അവര് തനിക്ക് ടീമില് ഇടം നല്കി. താന് വിക്കറ്റും എടുക്കുന്നുണ്ടായിരുന്നു, അതിനാല് അവര്ക്ക് വേറെ മാര്ഗ്ഗമില്ലായിരുന്നു.
ധോണിയുടെ പ്രിയ താരമായിരുന്നു റെയ്ന എന്നതിനാല് തന്നെ യൂസഫ് പത്താനും താനുമെല്ലാം മികച്ച ഫോമില് കളിച്ചിരുന്നപ്പോളും മഹി റെയ്നയ്ക്ക് കൂടുതല് അവസരങ്ങള് നല്കിയിരുന്നുവെന്ന് യുവരാജ് പറഞ്ഞു.