ഇന്ത്യയുടെ വിദേശ വിജയങ്ങളിലെ ഏറെ നിര്ണ്ണായക സ്വാധീനമായിരുന്നു അജിങ്ക്യ രഹാനെ എന്ന് പറഞ്ഞ് മുന് ബാറ്റിംഗ് കോച്ച് സഞ്ജയ് ബംഗാര്. തന്റെ ഒട്ടനവധി അര്ദ്ധ ശതകങ്ങള് ശതകങ്ങളാക്കി മാറ്റുവാന് താരത്തിന് കഴിഞ്ഞ 18 മാസത്തില് കഴിയാതെ പോയിരുന്നു. എന്നാല് താരം ജോഹാന്നസ്ബര്ഗിലും നോട്ടിംഗാമിലും അഡിലെയ്ഡിലുമെല്ലാം വിജയങ്ങളില് സംഭാവന ചെയ്തിരുന്നു.
വിന്ഡീസില് താരത്തിന് ശതകം നേടാനായതില് ഏറെ സന്തോഷമുണ്ടെന്നും സഞ്ജയ് ബംഗാര് പറഞ്ഞു. അവിടുത്തെ സീമിംഗ് സാഹചര്യങ്ങളില് ഇന്ത്യ പലപ്പോഴും പിന്നില് പോയ അവസരങ്ങളിലാണ് രഹാനെ വിജയം കുറിയ്ക്കുന്ന ഇന്നിംഗ്സ് പുറത്തെടുത്തതെന്ന് ബംഗാര് സൂചിപ്പിച്ചു.
