രോഹിത് ശർമ്മയ്ക്ക് ശേഷം ഇന്ത്യയുടെ ഓൾ ഫോർമാറ്റ് ക്യാപ്റ്റൻ ആകാൻ ശുഭ്മാൻ ഗില്ലിന് ആകും എന്ന് മുൻ ഇന്ത്യൻ ഫീൽഡിംഗ് കോച്ച് ആർ ശ്രീധർ. ശ്രീലങ്കൻ പര്യടനത്തിനുള്ള ഇന്ത്യൻ ടി20, ഏകദിന ടീമിൻ്റെ വൈസ് ക്യാപ്റ്റനായി നിയമിക്കപ്പെട്ട ഗിൽ ടെസ്റ്റിലും രോഹിതിന്റെ ഡെപ്യൂട്ടി ആകും എന്ന് ശ്രീധർ പറയുന്നു. ഗിൽ സിംബാബ്‌വെ പര്യടനത്തിൽ ക്യാപ്റ്റൻസിയിൽ അരങ്ങേറ്റം കുറിക്കുകയും അഞ്ച് മത്സരങ്ങളുടെ പരമ്പര 4-1ന് വിജയിക്കുകയും ചെയ്തിരുന്നു.
“എന്നെ സംബന്ധിച്ചിടത്തോളം ശുഭ്മാൻ ഗിൽ ഒരു ഓൾ ഫോർമാറ്റ് കളിക്കാരനാണ്, ടെസ്റ്റ് മത്സരങ്ങളിലും ഏകദിനങ്ങളിലും ക്യാപ്റ്റൻ രോഹിത് ശർമ്മയുടെ ഡെപ്യൂട്ടു ആയിരിക്കും അദ്ദേഹം. 2027 ലോകകപ്പിന് ശേഷം എല്ലാ ഫോർമാറ്റുകളിലും ഇന്ത്യ അദ്ദേഹത്തെ ക്യാപ്റ്റനായി നിയമിക്കും എനിക്ക് ഉറപ്പുണ്ട്,” ശ്രീധകർ ഹിന്ദുസ്ഥാൻ ടൈംസിൽ പറഞ്ഞു.
