പരിക്കേറ്റ് ഫാഫ് ഡു പ്ലെസി ശേഷിക്കുന്ന പരമ്പരയില്‍ കളിക്കില്ലെന്ന് ഉറപ്പായതോടെ പുതിയ നായകന്മാരെ പ്രഖ്യാപിച്ച് ദക്ഷിണാഫ്രിക്ക. ഏകദിന പരമ്പരയിലെ രണ്ട് മത്സരങ്ങളില്‍ ദക്ഷിണാഫ്രിക്കയെ ക്വിന്റണ്‍ ഡിക്കോക്ക് നയിക്കുമ്പോള്‍ ഏക ടി20 മത്സരത്തില്‍ ജെപി ഡുമിനിയാവും ടീമിന്റെ നായകന്‍. ആദ്യ മൂന്ന് ഏകദിന മത്സരങ്ങള്‍ ജയിച്ച് ദക്ഷിണാഫ്രിക്ക പരമ്പര നേരത്തെ തന്നെ സ്വന്തമാക്കി കഴിഞ്ഞിരുന്നു.
മൂന്നാം ഏകദിനത്തിനിടെ ക്യാച്ചിനു ശ്രമിച്ചപ്പോളേറ്റ പരിക്കാണ് ദക്ഷിണാഫ്രിക്കന്‍ നായകന്‍ ഫാഫ് ഡു പ്ലെസിയ്ക്ക് വിനയായത്. കാന്‍ഡിയിലും കൊളംബോയിലുമാണ് ഇനി അവശേഷിക്കുന്ന ഏകദിന മത്സരങ്ങള്‍. ഏക ടി20 മത്സരം കൊളംബോയില്‍ അരങ്ങേറും.
കൂടുതൽ കായിക വാർത്തകൾക്ക് : www.facebook.com/FanportOfficial
