സെഞ്ച്വറിയുനായി തന്റെ തിരിച്ചുവരവ് അറിയിച്ച് പൃഥ്വി ഷാ. പരിക്ക് മാറി എത്തിയ പൃഥ്വി ഷാ ഇന്ന് നടക്കുന്ന ഛത്തീസ്ഗഢിന് എതിരായ രഞ്ജി പോരാട്ടത്തിൽ സെഞ്ച്വറി നേടി. പരിക്ക് മാറി എത്തിയതിനു ശേഷമുള്ള പൃഥ്വി ഷായുടെ രണ്ടാം മത്സരം മാത്രമാണിത്. അഞ്ച് മാസത്തെ ഇടവേളയ്ക്ക് ശേഷം കഴിഞ്ഞയാഴ്ച ബംഗാളിനെതിരായ രഞ്ജി ട്രോഫി മത്സരത്തിലാണ് ഷാ തിരിച്ചെത്തിയത്.
മുംബൈ ഇന്നിംഗ്സിനും 4 റൺസിനും ജയിച്ച മത്സരത്തിൽ ഷാ അന്ന് 35 റൺസ് നേടിയിരുന്നു. ഇന്ന് ഛത്തീസ്ഗഡിനെതിരായ രഞ്ജി ട്രോഫി മത്സരത്തിൻ്റെ ഒന്നാം ദിനത്തിൽ അദ്ദേഹം 159 റൺസ് ആണ് നേടിയത്. 185 പന്തിൽ 159 റൺസെടുത്താണ് താരം പുറത്തായത്. 18 ബൗണ്ടറികളും മൂന്ന് സിക്സറും അടങ്ങിയത് ആയിരുന്നു ഷായുടെ ഇന്നിങ്സ്.
